دردشه وتعليم ووناسه
 
الرئيسيةالبوابةاليوميةمكتبة الصورس .و .جبحـثالأعضاءالمجموعاتالتسجيلدخول

شاطر | 
 

 اول حلقه من ناس على الهواء..مع طالب اول ثانوي

اذهب الى الأسفل 
كاتب الموضوعرسالة
ياانا يالهدوء ××
عضو نشيط
عضو نشيط
avatar

انثى عدد الرسائل : 95
تاريخ التسجيل : 09/09/2008

مُساهمةموضوع: اول حلقه من ناس على الهواء..مع طالب اول ثانوي   السبت سبتمبر 13, 2008 6:22 pm

اعزائى المشاهدين والمشاهدات
لقائنا اليوم عجيب غريب مع احدى الشخصيات التى سمعنا عن مشاكلهم العام الماضى والذين هم امل المستقبل وبنائه .....مع طالب ثانوى..


احمد سعيد:ونقوووول سلام عليكم

الطالب:هاى ازيك ياعمو.

احمد سعيد:نحب نتعرف عليك
الطالب:انا الشاب الكوول والروش على طووول..

احمد سعيد:لالالا انت فهمتنى غلط انا عاوز الحكومى ..

الطالب:ااااااااااه افتكرتك عاوزنى فى فيلم او فيديو كليب قولت اديك الروش....انا ياعمو اسمى ...اسامه

احمد سعيد:ازيك ياكابتن اسامه..

الطالب:كابتن هه!!!!!اوك أأمر ياكول

احمد سعيد:كنا عاوزين نعمل معاك حوار بعد امتحان اليوم..

الطالب:اوى اوى اوك تحب نتكلم فى ايه

احمد سعيد:ايه اخبار الامتحان؟؟
الطالب:والله امتحان موووووز موووووز موووووز..

احمد سعيد:طيب واخبار اللجان؟؟

الطالب:لا والله بينى وبينك اللجان أفشه اوى..

احمد سعيد:طيب سمسم بتذاكر كام ساعه فى اليوووم؟؟

الطالب:نعممممممممممم كاااااااام ساعه!!هى ساعه ونص كل يوم وكده يبقى عنب اوى
احمد سعيد:ساعه ونص !!هى مش دى مدرسه ثانويه برضه ولا انا غلطت؟؟

الطالب:اه ياعمو مدرسة ثانويه وشباب جامده كمان انت بتكلم فيفى ولا ايه!!

احمد سعيد:اومال يعنى ايه ساعه ونص اومال باقى الوقت بتعمل ايه؟؟

الطالب :باقى الوقت ازاى؟؟
احمد سعيد:يعنى ساعة ونص مذاكره باقى الوقت بيروووح فين؟؟

الطالب:اييييه ياعمممو بالراحه شويه دى مامى مبتكلمنيش كده..


الطالب :بص ياعمو مش فى وقت للاكل ووقت للشرب ووقت اكلم الحتة وطبعا وقت للنوم

احمد سعيد :طيب الاكل والشرب دووول فهمناهم لكن ايه القطعه اللى قولت عليها دى ....
الطالب:عمو انت مضطر تحرجنى هقولك بعدين..

احمد سعيد:باقى الوقت بيروح فين..

الطالب:ياعموو بنام عشان اعرف اذاكر..

احمد سعيد:اااااه فهمتك يالئيم يعنى بتنام 20 ساعه عشان تقدر تسهر الساعه ونص وتدح مش تقول كده يارااااجل ولا انت من اللى بيخافوا الحسد..

الطالب:لازم يعنى تسيحلى ع الفضائيات والناس كلها تعرف الوقت اللى بذاكروا اودى وشى فين من الاوائل دلوقتى..

احمد سعيد:طيب احب اعرف لما انت مجتهد كده وساعه ونص وبتاع بتحل فى اللجنه ازاى؟؟

الطالب:بص ياسيدى مش سمعت عن حاجه اسمها تعاون؟؟

احمد سعيد:ااااااه بس ازاى؟؟

الطالب:اهوو احنا كده فى اللجنه اسرة مع بعشينا..

احمد سعيد :طيب والمراقبين بيسمحوا بكده؟؟؟

الطالب:كده ايه يعنى انت شكلك فهمتنى غلط والله..

احمد سعيد:طيب فهمنى؟؟

الطالب:ياعم كل واحد معاه كتابه ومصنفاته وبرشاماته ومع نفسه لكن بئا واحد صحبه احتاج مثلا تسهيله يعنى يقولك السؤال ده الاقيه فى صفحه كاااااام تقوله على الصفحه لكن غششششششش لالالالا حد الله اوعى تظن بيا غلط...


احمد سعيد:ااااااااااااااه مش تقووول ده انت وقعت قلبى قولت بتغشوا من بعض..

احمد سعيد:طيب تفتكر ايه انسب اساليب الغش فى الزمن احالى؟؟

الطالب:بص انا لا هقولك موبايل ولا نئعد نتودود فى اللجنه ونغروش على بعشينا لكن التعليم اتقدم اوى وعلى رأى المثل "موبايلك فى جيبك,,برشاماتك فى الجيب التانى,, موسك فى بقك ,,اللى يقولك متغشش عوره"

احمد سعيد:عوره!!ايام المدرسه نقدر نعرف عدد المدرسين اللى عورتهم؟؟وهل الموس لسه فى بقك دلوقتى!!
الطالب:ياعمو انا عورت كتيير كتيييير مااقولكش .

الطالب:حضرتك تعرف لوحة شرف المدرسه.

احمد سعيد:اه طبعا بيكون فيها اسماء المميزين.

الطالب :عارف لو بصيت على الورقه من ورا هتلاقى اسمى فيها فى البلاك لست..

الطالب:بلا فخر اول سنه معور استاذين و3 مدرسات اما 2 بئه كانت واحده حامل سقطلها المولود شكلها مكانش عاجبنى بس السنه دى بئه قولت لازم اشتهر وارد فضل المدرسه عليا السنين دى كلها روحت اديت بشله للمدير والناظر كتذكار يعنى على حبتين من العاهات المستديمه بئه..


احمد سعيد:مقولتليش برضه بالنسبه للموووس لسه موجود؟؟

الطالب:لا متخافش ياعمو بشيله اول مبخرج من اللجنه..
احمد سعيد:طيب بالنسبه لفلوس الدروس اللى سفلئتها من دادك يعنى حوالى؟؟ وعملت بيهم ايه

الطالب:كده بئه هتخرب بيتى لو دادى عرف بس مش مشكله هثبته بمعرفتى بص ياعمو كنت كل شهر ليا دخل من الدروس اهووو معيشنى وبصرف على الحته واروشن نفسى ,معايا احدث عده بطقن احسن لبس وحظاظات بئه وبظاظات وروشنه يعنى يعنى تقدر تقول مرتب بابا بياخده فى 5 شهور...

احمد سعيد:بما انك متفوق جدا كده يااستاذ اسامه احب اقولك ايه رايك فى التعليم ..

الطالب:والله حلو والكتب نضيفه والاسئله دايما من جوه الكتاب الخارجى والملعب نضييف وحصص الالعاب كتيره اوى ومدرسة البنات اللى امامنا دى حلوه اوى..
احمد سعيد:سمسم ايه اهم المكيفات اللى بتساعدك ع المذاكره؟؟
الطالب: يونيون اير واكريير وانواع كتيرر..
احمد سعيد:لالا مش قصدى اقصد مشروبات بتعرف تذاكر بيها القهوه مثلا..
الطالب:اااااااااه مكيفاااات انا بابا مش مخلينى محتاج حاجه كل المشروبات عندنا بانجو وحشيش وجميع انواع المخدرات..ربنا يخليهولى,,

احمد سعيد:فى نهاية البرنامج وبعد معطلنا استاذ اسامه على البيت....

الطالب:عمو بيت ايه انت عطلتنى على ماتش البلايستيشن..

احمد سعيد:صحيح اسامه حلوه الساعه اللى فى ايدك دى..

الطالب:هههههههههه ساعه ياعمو دى حظاظه..

احمد سعيد:يعنى ايه؟؟

الطالب:دى حظاظه هى اسمها كده اول البت لما تشوفك بيها تقول عليك سوبر ماريو وتديك رقمها وياسلااااام لو لابس بندانا مقولكشششش..بييييييس يامااااااان

احمد سعيد:اعزائى المشاهدين والمشاهدات عشان استاذ اسامه يلحق الماتش ونتمنى له الفوز والانتصار كما كان منتصرا فى المدرسه
احييكم من امام مدرسة***** الثانويه والسلام عليكم ورحمة الله وبركاته


وانتظرونا فى حلقه قادمه







__________________

"اللهم لاتؤاخذنى بما يقولون"
"واغفر لى مالايعلمون "
"واجعلنى خيرا مما يظنون"
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
اول حلقه من ناس على الهواء..مع طالب اول ثانوي
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
عالم البنات :: *(عـــالم العــــــــــــــام)* :: أحلى المواضيع الهادفة :-
انتقل الى: